Беларускі рубель на мінулым тыдні прыкметна здаў пазіцыі да даляра і еўра. У абменніках курс еўра ў выходныя наблізіўся да адзнакі ў 3 рублі. Фінансавы аналітык Міхаіл Грачоў для myfin.by прагназуе, што будзе на валютным рынку на гэтым тыдні.
«Не выключанае далейшае зніжэнне курсу расійскага рубля на таргах маскоўскай валютнай біржы, цалкам імаверны працяг гэтага ж трэнду і на беларускіх таргах», — прагназуе Міхаіл Грачоў.
Раней мы тлумачылі, чаму курс беларускага рубля прывязаны да расійскага.
«Курс даляра ў такім выпадку можа вярнуцца да значэнняў, вышэйшых за 2,7 рубля. Курс еўра, калі ўзяць за аснову суадносіны пары еўра і даляра 1,06, будзе разлічвацца каля 2,9 рубля. Расійскі рубель застаецца каля значэння 3,86 рубля за 100 расійскіх рублёў», — лічыць аналітык.
